নিয়মীয়া বাৰ্তা, , ২৮ অক্টোবৰ : লখিমপুৰ জিলাৰ বগীনদী আৰক্ষী থানাৰ অন্তৰ্গত গাগলডুবিৰ ১৫ নং ৰাষ্ট্ৰীয় ঘাইপথত কালি নিশা সংঘটিত হোৱা এক ভয়ংকৰ পথ দুৰ্ঘটনাত এজন ব্যক্তি থিতাতে মৃত্যু হয়। নিহত ব্যক্তিজন লখিমপুৰ জিলাৰে নাৰায়ণপুৰৰ ৬নং ৱাৰ্ডৰ তুলসী ৰাজখোৱাৰ পুত্ৰ পাৰ্থ ৰাজখোৱা (৩৯) বুলি জানিব পৰা গৈছে। আৰক্ষী সুত্ৰে প্ৰকাশ কৰা তথ্য মতে AS07K9790 নম্বৰৰ মাৰুতি ছুজুকি গাড়ীৰে লখিমপুৰ সদৰ দিশে গৈ থকা ব্যক্তিজনে গাগলডুবিত বিপৰীত দিশৰ পৰা আহি থকা AS 07 C 9886, নম্বৰৰ মালবাহী ট্ৰাকত প্ৰচণ্ড ভাৱে খুন্দিয়াই দুৰ্ঘটনাত পতিত হোৱাৰ লগতে ঘটনাস্থলীতে মৃত্যু হয়।
প্ৰেৰক ভূবন গৌতম