নিয়মীয়া বাৰ্তা, ২৬ আগষ্টঃ ২০২১ৰ বিধানসভা নিৰ্বাচনৰ দিন চমু চাপি অহাৰ লগে লগেই ৰাজ্যৰ ভিন্ন প্ৰান্তৰ লগতে সোণাৰি চাপৰিতো দল বাগৰা ৰাজনীতিয়ে নিৰ্বাচনী বতাহ উত্তপ্ত কৰি তুলিছে ৷
শাসনাধিষ্ঠিত ৰাজ্য চৰকাৰৰ ঢকুৱাখনাৰ বিধায়ক তথা ৰাজ্যৰ পঞ্চায়ত ও গ্ৰামোন্নয়ন মন্ত্ৰী নৱ কুমাৰ দলেৰ উপস্থিতিত আজি শতাধিক লোকে কংগ্ৰেছ-গণশক্তি এৰি গেৰুৱা দলত যোগদান কৰি মন্ত্ৰীগৰাকীৰ ভেটি অধিক সুদৃঢ় কৰিলে ৷
ঘিলামৰা মণ্ডল বিজেপিৰ উদ্যোগত সোণাৰি চাপৰি আৰু কেঁকুৰি বিজেপিৰ সহযোগত কেঁকুৰি মধুপুৰ ৰংগমঞ্চত ঘিলামৰা মণ্ডল বিজেপিৰ সভাপতি চন্দেশ্বৰ গগৈৰ সভাপতিত্বত অনুষ্ঠিত যোগদান সভাত মন্ত্ৰীগৰাকীয়ে দলীয় প্ৰতিকেৰে নৱাগতসকলক দললৈ আদৰণি জনায়।