নিয়মীয়া বাৰ্তা, ৩১ মার্চ: লামডিঙত কংগ্রেছ মহাজোঁট আৰু অসম জাতীয় পৰিষদৰ মাজত চলিছে ইলু ইলু৷ –এই মন্তব্য মন্ত্রী ড০ হিমন্ত বিশ্ব শর্মাৰ৷
মঙলবাৰে লামডিঙৰ কাকীত সমষ্টিটোৰ বিজেপি প্রার্থী শিবু মিশ্রৰ হৈ প্রচাৰ চলাই কয় যে কংগ্রেছৰ স্বপন কৰ আৰু অজাপৰ মৌচুমী শর্মা বেজবৰুৱাৰ মাজত চলিছে এই ইলু ইলু৷ অৱশ্যে এই ইলু ইলু ৰাজনৈতিকভাৱেহে চলিছে৷
ভাষণত তেওঁ আৰু কয় যে সমষ্টিটোৰ বিজেপি প্রার্থীগৰাকীক পৰাজিত কৰিবলৈ কংগ্রেছ, আজমল আৰু অজাপই সেই কাম কৰিছে৷ সেইদৰে আজমলৰ প্রসংগ উত্থাপন কৰি তেওঁ কয় যে আজমলে নিজকে আল্লা বুলি ভাবে৷ কিন্তু হজৰত মহম্মদে নিজকে আল্লাৰ এজন দূত বুলিহে গণ্য কৰিছিল৷ আমিও নিজকে ভগৱানৰ এজন সেৱক বুলি অনুভৱ কৰোঁ৷ নিজকে কেতিয়াও কৃষ্ণ কিম্বা শিৱ বুলি নাভাবোঁ৷ বিজেপিৰ দিনত হোৱা উন্নয়নৰ কথা উল্লেখ কৰি তেওঁ কয় যে কংগ্রেছৰ পিছফালে আজমল থাকে৷ কিন্তু বিজেপিৰ পিছফালে নৰেন্দ্র মোদী থাকে৷ সেয়ে ৰাইজক নিজকে কাক ভোট দিব সেই বিষয়ে চিন্তা কৰাৰ আহ্বান জনায়৷