নিয়মীয়া বাৰ্তা ১৯ আগষ্টঃ ৰঙিয়াৰ বিছেন্নালাৰ এগৰাকী কংগ্রেছ নেতাই বুধবাৰে আনুষ্ঠানিকভাৱে অগপত যোগদান কৰে৷ এই নেতাগৰাকী হৈছে খোপনীকুছি বুথ কংগ্রেছৰ সভাপতি আটাউৰ ৰহমান৷ ৰঙিয়াৰ মুৰাৰাস্থিত অগপৰ কার্যালয়ত কংগ্রেছ নেতাজনক আঞ্চলিক দলটোৰ কর্মীসকলে উষ্ম আদৰণি জনোৱাৰ লগতে সম্বর্ধনা জনায়৷ ৰহমানে কংগ্রেছৰ নেতৃত্বহীনতাৰ প্রতি ক্ষোভ প্রকাশ কৰি দলৰ পৰা পদত্যাগ কৰা বুলি উল্লেখ কৰে৷ লগতে অগপৰ নীতি আৰু আদর্শৰ প্রতি আকৃষ্ট হৈ যোগদান কৰা বুলি মত প্রকাশ কৰে৷