নিয়মীয়া বাৰ্তা, ১২ অক্টোবৰ : নগাঁৱৰ চামগুৰি সমষ্টিৰ খাটোৱাল থানাৰ আৰক্ষীয়ে যোৱা নিশা চোৰাং গৰুৰ বিৰুদ্ধে অভিযান চলাই খাটোৱাল অঞ্চলৰ পৰা চোৰাং গৰুসহ এখন কন্টেনাৰ ট্ৰাক জব্দ কৰিবলৈ সক্ষম হয় ৷ জানিব পৰা মতে খাটোৱাল থানাৰ আৰক্ষীয়ে এক গোপন খবৰৰ ভিত্তিত যোৱানিশা প্ৰায় ৮.৩০ মান বজাত বৰমা আৰু খাটোৱাল সংযোগী পথত চোৰাং গৰুৰ বিৰুদ্ধে অভিযান চলাই ৷ পৰৱৰ্তী সময়ত আৰক্ষীৰ দলটোৱে বৰমা অঞ্চলৰ দিশৰ পৰা নগাঁও অভিমুখে আহি থকা এএছ ০২ এ চি ৬২২২ নম্বৰৰ কন্টেনাৰ ট্ৰাক খনৰ সহ ২৬ টা চোৰাং গৰু জব্দ কৰে ৷ আনহাতে ৰহস্যজনক ভাবে গাড়ী খনৰ চালক আৰু চোৰাং গৰু বেপাৰী সহ গাড়ী খনৰ পৰিচালকে আন্ধাৰৰ সুযোগ গ্ৰহণ কৰি পলায়ন কৰিবলৈ সক্ষম হয় বুলি আৰক্ষীৰ এক সুত্ৰই জানিবলৈ দিয়ে ৷ আনহাতে যোৱা নিশা আৰক্ষীয়ে খাটোৱাল অঞ্চলৰ পথত জব্দ কৰা চোৰাং গৰু খিনি নগাঁৱৰ গো-শালালৈ প্ৰেৰণ কৰাৰ লগতে উক্ত গাড়ী খন খাটোৱাল আৰক্ষী থানাত আছে বুলি আৰক্ষীৰ এক সুত্ৰই জানিবলৈ দিয়ে ৷
প্ৰেৰক প্ৰমোদ শৰ্মা