নিয়মীয়া বাৰ্তা, ১৬ডিচেম্বৰ: কাৰ্বি আংলঙত পুনৰ জব্দ হৈছে অবৈধ মাৰণাস্ত্ৰ | গ্ৰেপ্তাৰ হৈছে দুই যুৱক | প্ৰাপ্ত খবৰ মতে, বৰ্ডাৰ উপ – আৰক্ষী অধীক্ষক নাহিদ কৰিশ্মাৰ নেতৃত্বত হাওৰাঘাট চক্ৰ আৰক্ষী বিষয়া মন্জিত তেৰাং,এছ আই হেমন্ত কুমাৰ দত্তসহ আৰক্ষীৰ এটি দলে ডকমকা আৰক্ষী থানা এলেকাৰ থেৰেবাছা অঞ্চলত অভিযান চলাই মেনছিং ক্ৰ’ৰ পুত্ৰ মিন্দাৰ ক্ৰ’ৰ আবাস গৃহৰ পৰা সঁজীৱ গুলিসহ পইন্ট ৩২ পিষ্টল জব্দ কৰাৰ লগতে মিন্দাৰক গ্ৰেপ্তাৰ কৰে | লগতে প্ৰয়াত জাৰি তাৰ’ৰ পুত্ৰ সঞ্জু তাৰ’ক আৰক্ষীয়ে গ্ৰেপ্তাৰ কৰে | উল্লেখ্য যে, কালি ডিফুৰ ডিলাজিত অবৈধ মাৰণাস্ত্ৰসহ গ্ৰেপ্তাৰ হৈছিল মিন্টু শইকীয়া নামৰ লোকজন | অবৈধ মাৰণাস্ত্ৰ ক’ৰ পৰা কেনেকৈ আৰু কোনে যোগান ধৰে, এই লৈ কাৰ্বি আংলং জিলা আৰক্ষীৰ এক উচ্চ পৰ্যায়ৰ তদন্তৰ দাবী কৰিছে সচেতন মহলে |