নিয়মীয়া বাৰ্তা, ৬ জানুৱাৰীঃ কামৰূপ জিলাৰ ছয়গাঁও আৰক্ষীৰ জালত পৰিল এজন জাল নোট ব্যৱসায়ী ৷ জালনোট ব্যৱসায়ীজনৰ নাম হল ফাইজুল হক ৷ কামৰূপ জিলাৰ ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া কপিল পাঠকৰ নেতৃত্বত চলোৱা এই অভিযানত ছয়গাঁও আৰক্ষী থানাৰ অন্তৰ্গত গৰৈমাৰীৰ লাৰুৱাজান গাঁৱত জালনোট সৰবৰাহ কৰাৰ সময়ত হাতে লোটে ধৰা পৰে চাম্পুপাৰা গাঁৱৰ ফাইজুল হক নামৰ ১৯ বছৰীয়া যুৱকজক জন । উল্লেখ্য যে যুৱকজনৰ পৰা উদ্ধাৰ হৈছে ১০৫ খনকৈ দুই হাজাৰ, ৫০০ আৰু দুশ টকীয়া কলা আৱৰণ সনা জাল নোট লগতে জব্দ কৰিছে এখন নম্বৰবিহীন মালবাহী অ’ট ভান আৰু মিকপ্ৰাচ নামৰ এবিধ পদাৰ্থ । ইতিমধ্যে যুৱকজনক ছয়গাঁও আৰক্ষীয়ে আটক কৰি মাৰাথন জেৰা অব্যাহত ৰাখিছে।