বিশেষ বাৰ্তা, ২ জুলাইঃ নলবাৰী চহৰৰ বৰুৱা ৰোডৰ নাগেৰা চ’কত আজি পুৱাৰ ভাগতেই লাগিল হুৱাদুৱা। পুৱাই বেংকত লাগিল জুই। নলবাৰীৰ বৰুৱা ৰোডটোত থকা ইউনিয়ন বেংকত সংঘটিত ভয়াৱহ অগ্নিকাণ্ডক লৈ সমগ্ৰ অঞ্চলবাসীৰ মাজত চাঞ্চল্যৰ সৃষ্টি কৰিছে। লগে লগে ঘটনাস্থলীত নলবাৰী, বেলশৰকে ধৰি জিলাখনৰ বিভিন্ন অগ্নিনিৰ্বাপক আস্থানৰ পৰা অগ্নিনিৰ্বাপক বাহিনীৰ কেইবাখনো বাহন আহি উপস্থিত হৈ বহু সময় ধৰি জুই নিয়ন্ত্ৰণ কৰিবলৈ সক্ষম হয়। বৈদুতিক শ্বৰ্ট চাৰ্কিটৰ ফলত অগ্নিকাণ্ড হোৱাৰ সন্দেহ কৰা হৈছে। অগ্নিকাণ্ডৰ ফলত কথামপি ৰক্ষা পৰে চহৰৰ কেইবাখনো ব্যৱসায়িক প্ৰতিষ্ঠান।
প্ৰেৰক অৰূপ ৰঞ্জন বৰ্মন