নিয়মীয়া বাৰ্তা, ১৯ আগষ্টঃ ধেমাজি জিলাৰ জোনাই মহকুমাত সোমবাৰে প্ৰথমগৰাকী মহিলা মহকুমাধিপতি হিচাপে কাৰ্যভাৰ গ্ৰহণ কৰে জিমলী শইকীয়া কাকতিয়ে৷ ইয়াৰ পূৰ্বে জিমলী শইকীয়া কাকতিয়ে বৰপেটাত আতিৰিক্ত উপায়ুক্ত হিচাপে নিযুক্ত আছিল৷
আজি জোনাই মহকুমাধিপতিৰ সভাকক্ষত মহকুমাটোৰ বিভিন্ন জাতীয় দল-সংগঠন আৰু জোনাই প্ৰেছ ক্লাবৰ সাংবাদিকৰ লগতে মহকুমাটোৰ বিভিন্ন দল-সংগঠনৰ সৈতে মত বিনিময় কৰি জোনাই মহকুমাটো সম্পৰ্কে আলোচনা মিলিত হয়৷
প্ৰথমগৰাকী মহিলা মহকুমাধিপতি হিচাপে জিমলী শইকীয়াক পাই জোনাইবাসী গৌৰাৱান্বিত বুলি উল্লেখ কৰে ৰাইজে। শইকীয়াই মহকুমাটোৰ বিভিন্ন দিশৰ উন্নয়নমূলক কাম হাতত ল’ব বুলি আশ্বাস প্ৰদান কৰে৷