নিয়মীয়া বাৰ্তা, ২১ আগষ্টঃ আমচৈ চাহ বাগিচাৰ দক্ষতা বিকাশ কেন্দ্ৰৰ সভা কক্ষত যোৱা ১৭ আগষ্টত বিজেপিৰ চাহ মর্চাৰ নগাঁও জিলা সমিতিৰ বিষয়ববীয়াৰ উপস্থিতিত আমচৈ আৰু হাটবৰ গাঁও পঞ্চায়তত বসবাস কৰা সকলো চাহ জনগোষ্ঠীৰ লোকক সামৰি নতুনকৈ বিজেপিৰ চাহ মর্চাৰ মণ্ডল সমিতি এখন গঠন কৰা হয়।
এই সভাত সভাপতিত্ব কৰে বিজেপিৰ চাহ মর্চাৰ নগাঁও জিলা সমিতিৰ সভাপতি বিজু ৰাউতীয়া। ৩৬ জনীয়া সদস্য সদস্যাৰে গঠিত চাহ মর্চাৰ আমচৈ মণ্ডল সমিতিৰ সভাপতিৰ দায়িত্বত আছে প্রেমকুমাৰ নায়ক, সম্পাদকৰ দায়িত্ব আছে ৰূপলাল কুর্কু আৰু বিশ্বজিত নায়ক।
এই সভাত বিজেপিৰ চাহ মর্চাৰ নগাঁও জিলা সমিতিৰ সভাপতি বিজু ৰাউতীয়াৰ উপৰি উপ-সভাপতি ভূপেন নায়ক, সম্পাদক দুর্লভ তাছা আৰু নির্মল মাঝিও উপস্থিত থাকে। বিজেপিৰ চাহ মর্চাৰ নগাঁও জিলা সমিতিৰ উপ-সভাপতি নায়কে জনোৱা অনুসৰি আর্থিক আৰু শৈক্ষিক দিশত পিছপৰা বৃহত্তৰ আমচৈ অঞ্চলৰ চাহ জনগোষ্ঠীৰ লোকসকলৰ সৰ্বাঙ্গীন কল্যাণ সাধন কৰাই আমচৈত মণ্ডল সমিতিখন গঠনৰ মূল উদ্দেশ্য।