নিয়মীয়া বাৰ্তা, ৬ অক্টোবৰ: দৰং জিলাত আই পি এল ক্রিকেটৰ নামত চলা জুৱাৰ তথ্য পোহৰলৈ আহিছে৷ এই সংক্রান্তত আৰক্ষীয়ে চাৰিজন জুৱাৰীক গ্রেপ্তাৰ কৰিছে৷ ধৃতসকল হ’ল খাৰুপেটীয়া ঘনশিমলুৰ মোস্তাফিজুৰ ৰহমান (১৮), একে গাঁৱৰ ৰিংকু আলী (৪৮) আৰু খাৰুপেটীয়া আলিকাষৰ তহিদুৰ ৰহমান (২৭), একে গাঁৱৰে হাইদৰ আলী (২৪)৷
ধৃত চাৰিজনক আজি আদালতত হাজিৰ কৰোৱা হয়৷ আদালতে ১৪ দিনৰ ন্যায়িক জিম্মালৈ প্রেৰণ কৰে৷ ইপিনে, অভিযুক্তসকলৰ তথ্যৰ ভিত্তিত আৰু বহু জুৱাৰী গ্রেপ্তাৰ হ’ব বুলি আৰক্ষীৰ সূত্রটোৱে জনাইছে৷