নিয়মীয়া বাৰ্তা, ১৬ জুনঃ জোনাইত বহিঃৰাজ্যৰ পৰা অহা যুৱকৰ উদ্ভণ্ডালি৷ কেৰেলাৰ পৰা ৰে’লেৰে অহা ৪১ গৰাকী যুৱকক ডিব্ৰুগড়ৰ পৰা মংগলবাৰে অনা হৈছে জোনাই উচ্চতৰ মাধ্যমিক বিদ্যালয়ৰ বালিকা আৱাসিকত থকা কোৱাৰেন্টাইন চেন্টাৰলৈ৷
কোৱাৰেন্টাইন চেন্টাৰৰ সমীপৰ ১৫ নং ৰাষ্ট্ৰীয় ঘাইপথত বাছখন ৰৈ যোৱাৰ লগে লগে একাংশ যুৱকে বাছৰ পৰা নামি জধেমধে পথৰ ওপৰত পেলাই দিয়ে খোৱা পানীৰ খালী বটল৷ ইয়াৰ পিচতে ঘাইপথৰ কাষতে থকা এখন চানা দোকানত ঘেৰাও কৰি চানা কিনে একাংশ যুৱকে৷
একাংশই আকৌ নিজেই লৈ খালে চানা, মটৰ, বাদাম৷ যুৱককেইজনে স্পৰ্শও কৰে চানা দোকানীক৷ যাৰ ফলত চানা দোকানিজনে আতংকিত হৈ সকলো চানা, মটৰ,বাদাম পেলাই নিজে সোমালেগৈ হোম কোৱাৰেন্টাইনত৷