নিয়মীয়া বাৰ্তা, ১২ অক্টোবৰঃ তিতাবৰ সীমান্তৱৰ্তী পানীখেতি আৰক্ষীৰ নিয়মীয়া তালাচীত আজি নগাবাটত এখন অবৈধ কয়লাভৰ্তি গাড়ী জব্দ হয়। জানিব পৰা মতে, মৰিয়নি সীমান্তৰ নাগালেণ্ডৰ চাংকিৰ পৰা মেৰাপানীৰ বাবু গগৈয়ে এ এছ ০৩ বি চি ৬১২৪ নম্বৰৰ এখন ব’লেৰো পিক আপ গাড়ীৰে মেৰাপানীৰ কোনো স্থানত বিক্ৰীৰ বাবে কয়লাখিনি কঢ়িয়াই লৈ আহিছিল।
আবেলি পানীখেতি আৰক্ষী এটা দলে নগাবাটৰ ভিতৰুৱা এখন গাঁৱত তালাচী চলাই থকা অৱস্থাতে অবৈধ কয়লা ভৰ্তি গাড়ীখন জালত পেলাবলৈ সক্ষম হয়। ঘটনা সন্দৰ্ভত বৰ্তমান বৰহোলা আৰক্ষী থানাত এক গোচৰ ৰুজু হৈছে।