নিয়মীয়া বাৰ্তা, ২০ আগষ্টঃ ভাৰত চৰকাৰৰ অধীনস্হ স্বচ্ছ ভাৰত অভিযান (নগৰ অঞ্চল)ৰ অধীনত “স্বচ্ছ সৰ্বেক্ষন ২০২০” ৰ বাবে যোৰহাট নগৰে উত্তৰ – পূবৰ ভিতৰত শ্ৰেষ্ঠ স্বচ্ছ নগৰৰ সন্মান লাভ কৰিবলৈ সক্ষম হৈছে৷ ক’ৰোণা মহামাৰীৰ পৰিপ্ৰেক্ষিতত আজি আৱাসিক আৰু নগৰ উন্নয়নৰ স্বতন্ত্ৰ ৰাজ্যিক মন্ত্ৰী হৰদ্বীপ সিং পুৰিয়ে NIC ৰ ভিডিঅ’ কনফাৰেঞ্চিঙৰ জৰিয়তে অনুষ্ঠিত কৰা স্বচ্ছ মহোৎসৱৰ বঁটা প্ৰদান অনুষ্ঠানত এই বঁটা প্ৰদান কৰে৷
জিলা উপায়ুক্ত ৰশ্নি অপৰঞ্জি কৰাটীৰ তৎত্বাবধানত যোৰহাট পৌৰসভাই জিলাখনৰ নগৰ অঞ্চলসমূহ পৰিস্কাৰ পৰিচ্ছন্ন কৰি ৰাখিবলৈ সক্ষম হৈছিল৷ আজি এই গৌৰবৰ দিনটোত জিলা উপায়ুক্ত গৰাকীয়ে পৌৰসভাৰ কাৰ্যকৰী বিষয়া, সমূহ বিষয় ববীয়া তথা কৰ্মচাৰী, জিলা প্ৰশাসনৰ বিষয়া কৰ্মচাৰী, সংশ্লিষ্ট বিভাগৰ বিষয়া কৰ্মচাৰী আৰু যোৰাহাটবাসী ৰাইজক ধন্যবাদ আৰু শুভেচ্ছা জনাইছে৷
উল্লেখ্য যে ৫০ হাজাৰৰ পৰা ১ লাখ জনবসতিপূৰ্ণ নগৰসমূহত চলোৱা স্বচ্ছতাৰ সমীক্ষাত যোৰহাটে উত্তৰ- পূৰ্বাঞ্চলৰ ভিতৰত প্ৰথম স্থান লাভ কৰিবলৈ সক্ষম হৈছে৷
