নিয়মীয়া বাৰ্তা, ১৫ মাৰ্চ: যোৰহাট পুলিবৰ আৰক্ষী থানাৰ অন্তৰ্গত পশ্চিম যোৰহাটৰ চাৰিঙীয়া ৰাষ্ট্ৰীয় ঘাই পথত আজি বিয়লি চাৰি বজাত এক ভয়ংকৰ পথ দুৰ্ঘটনা সংঘটিত হয়। যোৰহাট পৰা দেৰগাঁও অভিমুখে ASO5J 1538 নম্বৰ এখন হুন্দাই গ্ৰেণ্ড আই তেন বাহনত আহি থকা তিনিজন আৰোহীক বিপৰীত দিশৰ পৰা ASO3CC 4184 নম্বৰ এখন তীব্ৰ বেগী বালি কঢ়িয়োৱা দাম্পাৰে খুণ্ডিওৱাত থিতাতে নিহত হয় হুণ্ডাই আই টেন খনৰ চালক জন আৰু গুৰুত্বৰ ভাবে আহত হয় বাহন খনত থকা দুজন আৰোহী । দাম্পাৰ খন ভুল দিশত পথটোত চলোৱা বাবে হুণ্ডাই আই টেন খনত প্ৰচণ্ড জোৰত খুন্দা মাৰে ফলত আই টেন খন ভাঙি চোচুৰ্মই হৈ পৰে আৰু নিৰিহ চালক জন প্ৰাণ দিব লগা হয়। গুৰুত্বৰ ভাবে আহত আন দুজন আৰোহীক ততাটোয়াকৈ যোৰহাট মেডিকেল কলেজ হস্পিতালত ভৰ্তি কৰা হয়। নিহত চালক জনৰ পৰিচয় বৰ্তমান পৰ্যন্ত জানিব পৰা হোৱা নাই। তীব্ৰ বেগী দাম্পাৰৰ অতপালি বাবে পশ্চিম যোৰহাটত বিগত সময়ত কেইবাটাও দুৰ্ঘটনা সংঘটিত হৈ আহিছে।