নিয়মীয়া বাৰ্তা, ২৬ এপ্ৰিলঃ লখিমপুৰৰ ৰঙানদীত ভাঁহি আহিছে শতাধিক মৃত গাহৰি। স্বোৱাইন ফিভাৰত আক্ৰান্ত হৈ বহু গাহৰিৰ মৃত্যু হোৱাত ৰাজ্যত বন্ধ হৈ পৰিছে গাহৰিৰ মাংস। ফলত কোনো দুৰ্বৃত্তই ৰঙানদীত পেলাই দিছে মৃত গাহৰিসমূহ। ফলত বিপদৰ সন্মুখীন হৈছে নৈপৰীয়া ৰাইজ। পানীতেই উৱলি যোৱা গাহৰিৰ মৃতদেহৰ দুৰ্গোন্ধত অতিষ্ঠ হৈ পৰিছে অঞ্চলটোৰ ৰাইজ। যিহেতু নৈ পানী খোৱা-বোৱাকে ধৰি বিভিন্ন ধৰণৰ কামত ব্যৱহাৰ কৰে। গতিকে অতি অসুবিধাত পৰিছে সাধাৰণ জনতা। শীঘ্ৰে প্ৰশাসনক ব্যৱস্থা গ্ৰহণ কৰিবলৈ আহ্বান জনাইছে লোকসকলে।