নিয়মীয়া বাৰ্তা ৯ অক্টোবৰঃ আজি দুপৰীয়া প্ৰায় এক বজাত নগাঁও চহৰৰ সমীপৰ মাজ- মৰিকলংত এক শোকাবহ পথ দুৰ্ঘটনা সংঘটিত হয় ৷ দুৰ্ঘটনাত এজন যুৱক থিতাতে নিহত হোৱাৰ লগতে এজন যুৱক আহত হয় ৷ জানিব পৰা মতে,নগাঁৱৰ দিশৰ পৰা কাকীলৈ এ এছ ৩১ এ ০৩১২ নম্বৰৰ গ্লেমাৰ বাইক খনেৰে যুৱক দুজন গৈ থকা অৱস্থাত বিপৰীত দিশৰ পৰা অহা এ এছ ০১ জেড ২১৮৪ নম্বৰৰ পাঞ্জাৱ বডীৰ ট্ৰাকখনে তীব্ৰ জোৰেৰে খুন্দা মৰাৰ ফলত এই দুৰ্ঘটনাটো সংঘটিত হয় ৷ দুৰ্ঘটনাটোত নৱজ্যোতি নাথ নামৰ যুৱক জন থিতাতে নিহত হয় ৷ আনহাতে,মনোজ নাথ নামৰ যুৱক জন গুৰুতৰ ভাৱে আহত হয় ৷ সম্প্ৰতি আহত যুৱক জন নগাঁও ভোগেশ্বৰী ফুকননী অসামৰিক চিকিৎসালয়ত চিকিৎসাধীন হৈ আছে ৷