নিয়মীয়া বাৰ্তা, ৫ মাৰ্চ: অসম জাতীয়তাবাদী যুৱ -ছাত্ৰ পৰিষদ নলবাৰী জিলা সমিতিৰ উদ্যোগত আজি দিনযোৰা কাৰ্যক্ৰমনিকাৰে ন- পুৰণি সতীৰ্থ সন্মিলন নলবাৰী জিলা পুথিভঁৰালত অনুষ্ঠিত হয়। কাৰ্যসূচীৰ আৰম্ভনীতে পুৱা ৯-০০ বজাত সংগঠনটোৰ পতাকা উত্তোলন কৰে সংগঠনটোৰ নলবাৰী জিলা সমিতিৰ সভাপতি নিৰোদ দাসে, শ্বহীদ তৰ্পণ কৰে সংগঠনটোৰ নলবাৰী জিলা সমিতিৰ সাধাৰণ সম্পাদক যোগেশ কলিতাই, সতীৰ্থ স্মৰণ কাৰ্যসূচী ৰূপায়ন কৰে সংগঠনটোৰ প্ৰাক্তন সতীৰ্থ ক্ৰমে প্ৰণৱ বুজৰবৰুৱা আৰু চৈয়দ তফিকুৰ ৰহমানে । ইয়াৰ পিছতে ৰূপকোঁৱৰ জ্যোতিপ্ৰসাদ আগৰৱালা আৰু কলাগুৰু বিষ্ণুপ্ৰসাদ ৰাভাৰ আৱক্ষ মূৰ্ত্তিত বন্তি প্ৰজ্বলন আৰু মাল্যাৰ্পন কৰে ক্ৰমে জয়ন্ত হাজৰিকা, অৱনী ধিং আৰু হেমন্ত কুমাৰ দত্তই। দিনৰ ১১-৩০ বজাত জিলা পুথিভঁৰাল প্ৰেক্ষাগৃহত অনুষ্ঠিত ন- পুৰণি সতীৰ্থ সভাত সংগঠনটোৰ ভালেমান প্ৰাক্তন সতীৰ্থই বক্তব্য ৰাখে। সভাৰ প্ৰাকমুহুৰ্তত সংগঠনটোৰ মহিলা পৰিষদৰ দ্বাৰা এটি সমবেত সংগীত পৰিৱেশন কৰা হয় । আজিৰ সভাত সংগঠনটোৰ প্ৰাক্তন সতীৰ্থ সকলক সংগঠিত কৰাৰ এক প্ৰস্তাৱ গ্ৰহণ কৰা হয় ।
শ্বাহ আলম আহমেদ, নলবাৰী