নিয়মীয়া বাৰ্তা ১১ ডিচেম্বৰঃ চাংসাৰিৰ মদনপুৰত এক ট্রাক নিচাযুক্ত সামগ্রী জব্দ কৰে নার্ক’টিক কণ্ড্র’ল ব্যুৰ’ৱে৷ চাংসাৰি থানাৰ অন্তর্গত মদনপুৰৰ টোলগেটৰ সমীপত যোৱানিশা এন চি বিয়ে গোপন সূত্রৰ ভিত্তিত জব্দ কৰে এক ট্রাক অবৈধ নিচাজাতীয় সামগ্রী৷ ইতিমধ্যে তিনি ড্রাগ্ছ সৰবৰাহকাৰীক আটক কৰাৰ লগতে পি বি–১৩ এ ডব্লিফ–৯৭৮৫ নম্বৰৰ ট্রাকখন জব্দ কৰিছে৷ লক্ষণীয় যে অন ক’ভিড ডিউটি লিখি সৰবৰাহ কৰা হৈছিল বৃহৎ পৰিমাণৰ নিচাযুক্ত দ্রব্যখিনি৷ নার্ক’টিক বিভাগে ৩১নং ৰাষ্ট্রীয় ঘাইপথত অভিযান চলাই জব্দ কৰা ট্রাকখনত অবৈধ ফেন্সিডাইল আছিল বুলি এক সূত্রত প্রকাশ৷ নার্ক’টিক বিভাগে সংবাদ মাধ্যমক কোনোধৰণৰ তথ্য প্রদান কৰাৰ পৰা বিৰত আছে৷