নিয়মীয়া বাৰ্তা, ১৯ ডিচেম্বৰঃ ৰূপহীহাটত ড্ৰাগছৰ বিৰুদ্ধে আৰক্ষীৰ অভিযান অব্যাহত আছে ৷ ৰূপহীহাট আৰক্ষীয়ে এক গোপন সূত্ৰৰ পম খেদি ৰূপহীহাটৰ ঔ-অনাত ড্ৰাগছৰ বিৰুদ্ধে চলায় এক অভিযান৷ আৰক্ষীৰ অভিযানত ১৭টাকৈ ড্ৰাগছভৰ্তি কন্টেইনাৰ, ৩৮টা নিচাজাতীয় টেৱলেটসহ আটক কৰে এটা সৰবৰাহকাৰীক৷ আৰক্ষীয়ে জব্দকৃত ড্ৰাগছখিনিৰ ওজন ২·০৬ গ্ৰাম৷ ধৃত সৰবহৰাহকাৰীটোৰ নাম মুচ্ছাদিৰ আলম৷ আৰক্ষীয়ে ধৃত সৰবহৰাহকাৰীটোৰ পৰা এটা ছুৰি, দুটা ম’বাইল ফোন আৰু এএছ-০২-এজি-২৫৮৩ নম্বৰৰ এখন স্কুটিও জব্দ কৰে৷ ৰূপহীহাট আৰক্ষীয়ে ধৃত সৰবৰাহকাৰীটোক অধিক তথ্যৰ বাবে জেৰা অব্যাহত ৰাখিছে ৷
প্ৰেৰক জহিৰুল ইছলাম