বিশেষ বাৰ্তা, ১০ অক্টোবৰ : কামৰূপৰ নিজ গন্ধমৌৰ ব্ৰহ্মপুত্ৰৰ পাৰত আজি এটা প্ৰকাণ্ড দহ কিলোগ্ৰাম ওজনৰ দুষ্প্ৰাপ্য প্ৰজাতিৰ কাছ উদ্ধাৰ কৰা হয়। ব্ৰহ্মপুত্ৰৰ চাপৰিৰ পৰা পাৰলৈ উঠি অহাত স্থানীয় লোকে কাছটো উদ্ধাৰ কৰি হাজো বন বিভাগক খবৰ দিয়ে। পিছত হাজো বন বিভাগৰ বনপালক ছাইদুল ইছলামৰ তৎপৰতাত কাছটো উদ্ধাৰ কৰি সংৰক্ষণৰ বাবে লৈ গৈ হাজো হয়গ্ৰীৱ মাধৱ মন্দিৰৰ বিষ্ণু পুষ্পৰ পুখুৰীত এৰি দিয়ে বুলি হাজো বন বিভাগে জানিবলৈ দিয়ে। আনহাতে স্থানীয় ৰাইজে দুষ্প্ৰাপ্য কাছটো উদ্ধাৰ কৰি বন বিভাগক চমজাই দিয়াত ভূয়সী প্ৰশংসা কৰিছে সচেতন মহলে ৷
প্ৰেৰক দিলীপ মেধি