চেলাজান কছাৰী প্ৰাথমিক বিদ্যালয়ৰ অতি স্পৰ্শকাতৰ ভোট কেন্দ্ৰ পৰিদৰ্শন নিৰ্বাচনী পৰ্যবেশক সঞ্জয় কুমাৰ পাঞ্চাৰীৰ
নিয়মীয়া বাৰ্তা ২২ মাৰ্চঃ ৰাজ্যৰ ১১২ নং ঢকুৱাখনা বিধানসভা সমষ্টিৰ ঘিলামৰা উন্নয়ন খণ্ডৰ কেকুঁৰি গাওঁ পঞ্চায়ত অন্তগত ১৬৯ নং চেলাজান কছাৰী প্ৰাথমিক বিদ্যালয়ৰ অতি স্পৰ্শকাতৰ ক্ৰিটিকেল ভোটকেন্দ্ৰটো পৰিদৰ্শন কৰে নিৰ্বাচনী পৰ্যবেশক তথা ভাৰতীয় প্ৰশাসনিক সেৱা বিষয়া সঞ্জয় কুমাৰ পাঞ্চাৰীয়ে ৷ নিৰ্বাচনী পৰ্যবেশক গৰাকীয়ে প্ৰটকল অফিচাৰ ৰজনী বৰুৱা আৰু চেক্টৰ অফিচাৰ প্ৰতুল মেধিৰ সহযোগত কেকুঁৰি মধুপুৰৰ পৰা ভাটি কেকুঁৰি পথেৰে গৈ চেলা চাৰিকড়িয়া নদী পাৰ হৈ প্ৰায় ৭০০ মিটাৰ পথ খোজকাঢ়ি গৈ অতি স্পৰ্শকাতৰ ভোটকেন্দ্ৰটোৰ লগতে কেইবাটাও স্পৰ্শকাতৰ ভোট কেন্দ্ৰ পৰিদৰ্শন কৰি পৰিস্থিতিৰ বুজ লয় ৷