বিশেষ বার্তা, ৩ জানুৱাৰী : নগাঁও চহৰৰ পাৰ্শ্বৱৰ্তী এলেকা বহুৱাভেটিত আজি এখন খেৰভৰ্তি টাটা মবাইল বাহনত জুই লাগি ভস্মীভূত হোৱা ঘটনাই অঞ্চলটোত চাঞ্চল্যৰ সৃষ্টি কৰিছে। আজি বিয়লি বহুৱাভেটিৰ পথৰ দাঁতিত ৰখাই থোৱা খেৰভৰ্তি বাহনখনত অগ্নি সংযোগ হৈ নিমিষতে পুৰি বাহনখন চাৰখাৰ হৈ পৰে। স্থানীয় লোকৰ খবৰৰ ভিত্তিত অগ্নি নিৰ্বাপক বাহিনীৰ গাড়ী আহি অগ্নি নিৰ্বাপন কৰাৰ চেষ্টা কৰে যদিও বাহনখন সম্পূৰ্ণ ভস্মীভূত হৈ পৰে। কেনেকৈ কি পৰিস্থিতিত বাহন খনত অগ্নি সংযোগ হ’ল সেয়া জানিব পৰা হোৱা নাই যদিও স্থানীয় একাংশ লোকে সন্দেহ কৰা মতে কোনো পথচাৰী লোকে চিগাৰেট-বিড়ি খাবলৈ ব্যৱহাৰ কৰা মেচৰ কাঠী বাহনখনলৈ পেলাই দিয়াত এই অগ্নি কাণ্ড সংঘটিত হ’ব পালে।
প্ৰেৰক কনক হাজৰিকা