নিয়মীয়া বাৰ্তা ১৯ আগষ্টঃ ৰূপহীহাটৰ ছাইদৰীয়াত আজি আবেলি উত্তপ্ত পৰিস্থিতিৰ সৃষ্টি হয়৷ ৰূপহীহাটৰ ছাইদৰীয়াত এখন চলন্ত গাড়ীত আক্ৰমণ কৰে ৫/৬জনীয়া এটা দুৰ্বৃত্তৰ দলে৷ ডিমাপুৰৰ পৰা আহি থকা এখন চলন্ত ছুপাৰত এটা দুৰ্বৃত্তৰ দলে আক্ৰমণ কৰি শিলগুটি নিক্ষেপ কৰাৰ লগতে গাড়ীচালকৰ লগতে যাত্ৰীকো আক্ৰমণ কৰে। চালকৰ লগতে যাত্ৰীক আক্ৰমণ কৰা এএছ-০২-বিচি-৪০৯১ নম্বৰৰ ছুপাৰখনৰ বিস্তৰ ক্ষতি কৰে। যাত্ৰীসকলে জনোৱা মতে নিচাসক্ত ৫/৬জনীয়া যুৱকে গাড়ীত আক্ৰমণ কৰে। স্থানীয় লোকৰ সহযোগত গাড়ীখন মুকলি কৰি আনে গাড়ীচালকে। ইতিমধ্যে গাড়ীচালকক ৰাজপথত গাড়ীৰ পৰা চোঁচৰাই নমাই আনি আক্ৰমণ কৰাত গৰজি উঠিছে চালক সন্থা। শীঘ্ৰেই ৰূপহীহাটৰ আৰক্ষীয়ে তদন্ত কৰি দোষীক কঠোৰ শাস্তিৰ দাবী জনায়।
প্ৰেৰক জহিৰুল ইছলাম