নিয়মীয়া বাৰ্তা, ১৭ জানুৱাৰী : সমৰ বৰদলৈ মেমৰীয়েল শৰীৰ চৰ্চা কেন্দ্ৰৰ উদ্যোগত আৰু যোৰহাট এচ’চিয়েশ্যনৰ অৱ বডি বিল্ডাৰ্চৰ সহযোগত তিতাবৰৰ সীমান্তৱৰ্তী অঞ্চল নগাবাটত ২৩ জানুবাৰীত সদৌ অসম ভিত্তিত ‘যোৰহাট ক্লাচিক-২০২৫’ শৰীৰ চৰ্চা প্ৰতিযোগিতা আয়োজন কৰিছে। ইতিমধ্যে আয়োজকসকলে প্ৰাৰম্ভিক প্ৰস্তুতি আৰম্ভ কৰিছে। ৬৫ কেজিৰ উৰ্ধ্বৰ-অনূৰ্ধ্বৰ আৰু মেন ফিজিক্স এই তিনিটা শাখাত প্ৰতিযোগিতা অনুষ্ঠিত হ’ব। সন্ধিয়া ৬ বজাৰ পৰা প্ৰতিযোগিতা আৰম্ভ হ’ব। ৰাজ্যৰ সকলো প্ৰান্তৰ প্ৰতিযোগীক অংশগ্ৰহণ কৰাৰ লগতে প্ৰতিযোগিতাৰ সন্দৰ্ভত অধিক জানিবলৈ আয়োজক সকলৰ ৭৮৯৬২৩৬১৬৬, ৯৩৬৫১৬৫২৩৮, ৮৬৩৮২৯৩২৯৫ নম্বৰত যোগাযোগ কৰিবলৈ অনুৰোধ জনাইছে।
প্ৰেৰক অজয় শইকীয়া