বিশেষ বাৰ্তা, ১২ জুলাইঃ ডিব্ৰুগড়ৰ চাবুৱা ৰাজহ চক্ৰৰ অধীনস্থ দধীয়া চাপৰিত বাঘৰ আক্ৰমণত তিনি ব্যক্তি গুৰুতৰভাবে আহত হোৱাক লৈ হৈছে তীব্ৰ চাঞ্চল্য। জানিব পৰা অনুসৰি দধীয়া চাপৰিত আজি দধীয়া চাৰিসুঁতি গাঁৱৰ আৰবাচ দাং, জিতুল দাং আৰু মাকচেৰে মহ চৰাই আছিল। তেনেতে হঠাতে জিতুল দাঙক এটা বাঘে আক্ৰমণ কৰে। জিতুলে মৰণকাতৰ চিঞৰ মৰাত, জিতুলক বচাবলৈ যাওঁতে আনকেইজনকো বাঘে আক্ৰমণ কৰে।যদিও বহুত চিঞৰ-বাখৰ কৰাত বাঘে আক্ৰমণ কৰি পলাই যায়। পাছত ততাতৈয়াকৈ চাবুৱা প্ৰাথমিক স্বাস্থ্য কেন্দ্ৰলৈ চিকিৎসাৰ বাবে অনা হয় যদিও পৰৱৰ্তী সময়ত উন্নত চিকিৎসাৰ বাবে অসম মেডিকেল কলেজ হাস্পতাললৈ স্থানান্তৰ কৰা হয়।
প্ৰেৰক বিভাস দুৱৰা