নিয়মীয়া বাৰ্তা, ৯ ডিচেম্বৰঃ ৰূপহীহাটত ড্ৰাগছৰ বিৰুদ্ধে আৰক্ষীৰ অভিযান অব্যাহত আছে৷ ৰূপহীহাট থানাৰ বিষয়া সঞ্জিত কুমাৰ ৰয়ে এক গোপন সূত্ৰৰ পম খেদি ৰূপহীহাটৰ জ্যোতিনগৰত ড্ৰাগছৰ বিৰুদ্ধে চলাই এক অভিযান। আৰক্ষীৰ অভিয়ানত এটা চাবোনৰ বাকচভৰ্তি ড্ৰাগছসহ আটক কৰে দুই সৰবৰাহকাৰীক৷ ধৃত সৰবৰাহকাৰী দুটা হল ছাদিকুৰ ৰহমান আৰু শ্বেৰ খান৷ আৰক্ষীয়ে ধৃত সৰবৰাহকাৰী দুটাৰ পৰা দুটা ম’বাইল ফোন আৰু এএছ-০২-এআৰ ৭৭৫৯ নম্বৰৰ এটা বাইক জব্দ কৰে৷ আৰক্ষীয়ে জব্দ কৰা ড্ৰাগছখিনিৰ ওজন ১০·৭৪ গ্ৰাম৷ ৰূপহীহাট আৰক্ষীয়ে অধিক তথ্যৰ বাবে ধৃত সৰবৰাহকাৰী দুটাক জেৰা অব্যাহত ৰাখিছে ৷
প্ৰেৰক জহিৰুল ইছলাম