নিয়মীয়া বাৰ্তা, ১৫ অক্টোবৰঃ গোৱালপাৰা জিলাৰ দুধনৈ আৰক্ষী থানাৰ অচি দণ্ডিৰাম বৰা আৰু 2nd Officer SI আমিনুল হকক আজি ৰিজাৰ্ভ ক্ল’জ কৰে গোৱালপাৰা জিলাৰ আৰক্ষী অধীক্ষকে৷ বহু দিনৰ পৰা বিভিন্ন ধৰণৰ অভিযোগ উঠিছিল দুধনৈ থানাৰ ইঞ্চপেক্টৰ অচি দণ্ডিৰাম বৰাৰ বিৰুদ্ধে৷ এই অভিযোগৰ ভিত্তিতে গোৱালপাৰা জিলাৰ আৰক্ষী অধীক্ষক নৱনীত মহন্তই ইঞ্চপেক্টৰ অচি দণ্ডিৰাম বৰা আৰু আমিনুল হকক তাৎক্ষনিকভাৱে বলৱত হোৱাকৈ ৰিজাৰ্ভ ক্ল’জ কৰে৷ কিছুদিন পুৰ্বে দুধনৈৰ লেলাত সংঘটিত হোৱা এক পথ দুৰ্ঘটনাৰ তদন্তত গাফিলতি কৰাৰ অভিযোগ উঠিছিল ইঞ্চপেক্টৰ অচি দণ্ডিৰাম বৰা আৰু আমিনুল হকৰ বিৰুদ্ধে৷ দুধনৈ থানাৰ ভাৰপ্ৰাপ্ত আৰক্ষী বিষয়াগৰাকীৰ বিৰুদ্ধে পূৰ্বৰ পৰাই অশালীন ব্যৱহাৰকে ধৰি বিভিন্ন ধৰণৰ অভিযোগ আছিল। আজি গোৱালপাৰা জিলাৰ আৰক্ষী অধীক্ষক নৱনীত মহন্তৰ নিৰ্দেশত দুয়োকে ৰিজাৰ্ভ ক্ল’জ কৰা হয়।
প্ৰেৰক বেনজিন বড়ো