নিয়মীয়া বাৰ্তা, ২০ জানুৱাৰীঃ বিশ্ব বেডমিণ্টনৰ শ্রেষ্ঠ পেছাদাৰী লীগৰূপে প্রতিষ্ঠিত প্রিমিয়াৰ বেডমিণ্টন লীগ (পি বি এল)ৰ পঞ্চম সংস্কৰণ আজিৰে পৰা চেন্নাইত আৰম্ভ হ’ব৷ চেন্নাইৰ লগতে লক্ষ্ণৌ আৰু হায়দৰাবাদতো প্রতিযোগিতাখনৰ মেচ অনুষ্ঠিত হ’ব৷
৭টা দলে অংশ লোৱা লীগৰ মুঠ মেচৰ সংখ্যা হ’ল ২৪৷ ভাৰতীয় বেডমিণ্টন সংস্থাই স্প’টছ লাইভৰ সহযোগত আয়োজন কৰা প্রতিযোগিতাখনৰ জৰিয়তে অনাগত ২১ দিনত বিশ্ব বেডমিণ্টনৰ তাৰকাৰ সমাৱেশ ঘটিব ভাৰতত৷ পঞ্চম পি বি এল উদ্বোধনী মেচখনত আজি মুখামুখি হ’ব পূর্বৰ দুই চেম্পিয়ন হায়দৰাবাদ হাণ্টার্ছ আৰু চেন্নাই ছুপাৰ ষ্টার্ছ৷
এই উদ্বোধনী মেচত মুখামুখি হ’ব ভাৰতৰ পি ভি সিন্ধু আৰু স্কটলেণ্ডৰ ক্রিষ্টি গিলমৌড়৷ যুঁজ হ’ব লক্ষ্য সেন–সৌৰভ বার্মাৰ৷