নিয়মীয়া বাৰ্ত, ১১ছেপ্টেম্বৰ: এদিনীয়া ক্রিকেটৰ পৰা অৱসৰ গ্রহণ কৰিবলৈ আগবাঢ়িছে অষ্ট্রেলিয়াৰ আৰন ফিনছ৷ নিউজিলেণ্ডৰ বিপক্ষে এদিনীয়া শৃংখলাৰ অন্তিমখন মেচেই ফিনছৰ কেৰিয়াৰৰ শেষ মেচ হ’ব৷ অৱসৰৰ সিদ্ধান্ত ঘোষণা কৰিবলৈ গৈ ইনষ্টাগ্রামত ফিনছে লিখিছে– ‘এটা দুর্দান্ত যাত্রা পাৰ হৈ আহিলোঁ৷ সর্বকালৰ অন্যতম শ্রেষ্ঠ ক্রিকেটাৰসকলৰ সৈতে খেলিবলৈ পোৱাটো গৌৰৱৰ বিষয়৷ শৈশৱৰ পৰাই অষ্ট্রেলিয়াৰ হৈ খেলাৰ সপোন আছিল৷ যি আশা আছিল, তাতকৈ অধিক লাভ কৰিছোঁ৷ শুভেচ্ছা বার্তা আৰু শুভকামনাৰ বাবে সকলোকে ধন্যবাদ৷’ এই পর্যন্ত ১৪৬খন মেচ খেলা ফিনছে কাইলৈ নিউজিলেণ্ডৰ বিপক্ষে অন্তিমখন এদিনীয়াত অংশ ল’ব৷ এদিনীয়াত তেওঁ এই পর্যন্ত কৰিছে ৫,৪০১ ৰান৷ এদিনীয়াত ১৭টা শতৰান অর্জন কৰা ফিনছৰ ওপৰত আছে কেৱল পণ্টিং (২৯), ৱার্নাৰ আৰু মার্ক ৱ’ (দুয়োজনৰে ১৮)৷ অহা মাহত দেশৰ মাটিত হ’ব লগা টি–২০ বিশ্বকাপত ফিনছে দলক নেতৃত্ব দিব৷ তেওঁ এদিনীয়াত অষ্ট্রেলিয়াক ৫৪খন এদিনীয়াত নেতৃত্ব দিছে৷