নিয়মীয়া বাৰ্তা, ১৬ মাৰ্চঃ ভ্রমণকাৰী দল ইংলেণ্ডৰ বিপক্ষে দেওবাৰে খেলা দ্বিতীয়খন টি–২০ত মন্থৰ গতিত বলিং কৰাৰ বাবে জৰিমনাৰ সন্মুখীন হ’ল বিৰাট কোহলি নেতৃত্বাধীন টীম ইণ্ডিয়া৷ মেচখনৰ নির্ধাৰিত সময়ত এক অ’ভাৰ কম বলিং কৰাৰ অপৰাধত ভাৰতীয় দলটোক জৰিমনা বিহা হয়৷ আই চি চিৰ এক বিবৃতিত এই কথা সদৰী৷ মেচখনত মন্থৰ গতিত বলিং কৰাৰ অপৰাধত ঘৰুৱা দল টীম ইণ্ডিয়াৰ খেলুৱৈসকলৰ মেচ ফীৰ ২০ শতাংশ কর্তন কৰা হয়৷