নিয়মীয়া বাৰ্তা ২১ ফেব্ৰুৱাৰীঃ অষ্ট্ৰেলিয়াত আজিৰে আৰম্ভ পৰা হৈছে মহিলা টি-২০ বিশ্বকাপ। উদ্ধোধনী মেচ অনুষ্ঠিত হয় আৰু ভাৰত আৰু অষ্ট্ৰেলিয়াত মাজত প্ৰথমখন মেচ। টি-২০ বিশ্বকাপৰ অন্যতম ফেভাৰেট তথা শক্তিশালী দল অষ্ট্ৰেলিয়াই টছত জয়ী হৈ ভাৰতক বেটিং কৰিবলৈ আমন্ত্ৰণ কৰে যদিও ভাৰতে বৃহৎ ৰাণ কৰাত ব্যৰ্থ হয়। ভাৰতে ২০ অভাৰত ৪টা উইকেট হেৰুৱাই কেৱল ১৩২ ৰাণহে সংগ্ৰহ কৰে। ভাৰতীয় দলৰ হৈ দীপ্তি শৰ্মাই ৪৯ ৰাণৰ ইংনিছ খেলে। প্ৰত্যুত্তৰত অষ্ট্ৰেলিয়া দলে সুন্দৰ আৰম্ভণি কৰিছিল যদিও পুনম যাদৱৰ স্পীন বলিঙত বিধ্বস্ত হৈ পৰে দলটো। অষ্ট্ৰেলিয়া দলটোৱে আটাইকেটা উইকেট হেৰুৱাই ১১৫ ৰাণ সংগ্ৰহ কৰে। ভাৰতীয় দলৰ হৈ পুনমে যাদৱে ৪ টা উইকেট দখল কৰে। পুনম যাদৱে মেন অফ দ্যা মেচৰ সন্মান লাভ কৰে। স্বাভাৱিকতে শক্তিশালী তথা প্ৰাক্তন চেম্পিয়ন দলটোক প্ৰথম খন মেচত হৰুৱাই ভাৰতীয় দলটো উৎফুল্লিত হৈ পৰিছে।