নিয়মীয়া বাৰ্তা, ৮মার্চঃ আকৌ এবাৰ মহিলা টি-২০ বিশ্বকাপ জয়ৰ সপোন ভাঙি চূৰমাৰ হ’ল ভাৰতীয় মহিলা ক্রিকেট দলৰ ।
আজি আই চি চি মহিলা টি–২০ বিশ্বকাপ ক্রিকেট প্রতিযোগিতাৰ মেলব’ন ক্রিকেট গ্রাউণ্ডত অনুষ্ঠিত ফাইনেল মেচখনত ভাৰতীয় দলটোক ৮৫ ৰানত পৰাস্ত কৰি পঞ্চমবাৰলৈ টি-২০ বিশ্বকাপত জয় যাত্ৰা অক্ষুণ্ণ ৰাখে অষ্ট্ৰেলিয়ান মহিলা ক্ৰিকেট দলটোৱে ।
প্ৰথমে টছত জয়ী হৈ বেটিং কৰি অষ্ট্ৰেলিয়ান দলটোৱে নিৰ্ধাৰিত অভাৰত ৪ টা ইউকেট হেৰুৱাই ১৮৪ ৰান সংগ্ৰহ কৰে । ইফালে ভাৰতীয় দলটোৱে নিৰ্ধাৰিত অভাৰ শেষ নহওতেই ১৯.১ টা বলত মাত্ৰ ৯৯ ৰান কৰিয়েই অল-আউটৰ সন্মুখিন হয় ।
উল্লেখ্য যে অষ্ট্ৰেলিয়াৰ দলটোৱে এতিয়ালৈকে ২০১০, ২০১২, ২০১৪ আৰু ২০১৮ ত টি-২০ বিশ্বকাপ খিতাপ জয় কৰিছিল ।
Six finals.
Five titles.What. A. Team. #T20WorldCup pic.twitter.com/j8D5NKay5v
— ICC (@ICC) March 8, 2020