নিয়মীয়া বাৰ্তা, ১৪ ফেব্ৰুৱাৰীঃ বিবাহৰ সাত বছৰ পাছত পত্নী কাইলিৰ সৈতে বিবাহ বিচ্ছেদ ঘটিল অষ্ট্রেলিয়াৰ প্রাক্তন অধিনায়ক মাইকেল ক্লার্কৰ৷
৩৮ বছৰীয়া ক্রিকেটাৰগৰাকীয়ে পত্নী কাইলিৰ সৈতে পাৰস্পৰিক বুজাবুজিৰে এই গুৰুত্বপূর্ণ সিদ্ধান্তত উপনীত হোৱা বুলি এক যুটীয়া বিবৃতিত প্রকাশ কৰিছে৷ বিবৃতিত তেওঁলোকে কৈছে যে পৰস্পৰৰ প্রতি সন্মান আৰু শ্রদ্ধাৰে দম্পতীটোৱে ভৱিষ্যতৰ কথা চিন্তা কৰি এই সিদ্ধান্তত উপনীত হৈছে৷
উল্লেখ্য যে ২০১২ৰ মে’ত ক্লার্কে কাইলিৰ সৈতে বিবাহপাশত আবদ্ধ হৈছিল৷ তেওঁলোকৰ এটি ৪ বছৰীয়া কন্যা শিশুও আছে৷