নিয়মীয়া বাৰ্তা, ১৮ মেঃ পর্তুগালৰ ছুপাৰ ষ্টাৰ ক্রিষ্টিয়ানো ৰ’নাল্ডোক কিং আখ্যা দিছে টীম ইণ্ডিয়াৰ তাৰকা অ’পেনাৰ ৰোহিত শর্মাই৷ বাংলাদেশৰ ক্রিকেটাৰ তামিম ইক্বালৰ সৈতে ফেচ্বুক লাইভত ৰোহিতে কয় যে ক্রিষ্টিয়ানো ৰ’নাল্ডোৱে কেৰিয়াৰত অর্জন কৰা চমকপ্রদ সাফল্যই তেওঁক সদায় অনুপ্রাণিত কৰি আহিছে৷ ‘তেওঁ প্রকৃতার্থত ক্রীড়া জগতৰ কিং৷ তেওঁক ভাল নোপোৱা মানুহ হয়তো এই পৃথিৱীত কোনো নাই৷ এটি সাধাৰণ পৰিয়ালৰ পৰা আহি তেওঁ ফুট্বলৰ পথাৰত যিদৰে যাদুকৰী প্রদর্শন আগবঢ়াইছে সেয়া সঁচাকৈয়ে প্রশংসনীয়৷’ ৰোহিত শর্মাই এইদৰে কয়৷