নিয়মীয়া বাৰ্তা ডিজিটেল, ৫ ডিচেম্বৰঃ অভিষেক শৰ্মাৰ বিশ্বাভিলেখ। চৈয়দ মুস্তাক আলী ট্ৰফী ২০২৪ৰ এখন মেচত তেওঁ বিস্ফোৰক প্ৰদৰ্শন আগবঢ়াইছে। পঞ্জাৱৰ হৈ খেলাৰ সময়ত অভিষেকে মাত্ৰ ২৮টা বলত শতক অৰ্জন কৰিছে। ৰাজকোটত মেঘালয়ৰ বিৰুদ্ধে তেওঁ ১১টা ছয় মাৰে। অভিষেকৰ এই ইনিংছৰ আধাৰত পঞ্জাবে মেঘালয়ক ৭ উইকেটত পৰাস্ত কৰে। অভিষেকে দ্ৰুততম শতকৰ অভিলেখ গঢ়িবলৈ সক্ষম হৈছে। মেঘালয়ে প্ৰথমে বেটিং কৰি ১৪২ ৰান সংগ্ৰহ কৰে। এই সময়ছোৱাত অৰ্পিতে ৩১ ৰানৰ ইনিংছ খেলিছিল। মাত্ৰ ২ ৰান সংগ্ৰহ কৰি আউট হৈছিল অধিনায়ক আকাশ চৌধুৰী। এই সময়ত পঞ্জাৱৰ হৈ বলিং কৰি থাকোঁতে ৰমনদীপ সিঙে ২টা উইকেট দখল কৰে। অধিনায়ক অভিষেক শৰ্মায়ো ২টা উইকেট দখল কৰে। তেওঁ অল-ৰাউণ্ডাৰৰ ভূমিকা পালন কৰিছিল। উইকেট দখল কৰাৰ পাছত অভিষেকেও বেটখনেৰে আশ্চৰ্য্য কৰি শতক অৰ্জন কৰে। মেঘালয়ে দিয়া লক্ষ্য খেদিবলৈ অহা পঞ্জাৱ দলটোৱে ৯.৩ অভাৰত জয়লাভ কৰে। মাত্ৰ ৬ ৰান সংগ্ৰহ কৰি আউট হৈছিল অ’পেনাৰ হৰনুৰ সিং। ১ ৰান সংগ্ৰহ কৰি পেভিলিয়নলৈ উভতি আহে ছালিল অৰোৰা। ২২ ৰান সংগ্ৰহ কৰি আউট হৈছিল শ্বোহৰাব ধলিৱাল। কিন্তু অভিষেকে নিজৰ অগ্ৰগতি বজাই ৰাখিলে। তেওঁ ২৯টা বলত অপৰাজিত ১০৬ ৰান সংগ্ৰহ কৰে। এই সময়ছোৱাত তেওঁ ১১টা ছয় আৰু ৮টা চাৰিটা আঘাত কৰে। এইদৰে পঞ্জাবে এই খেলখনত ৭ উইকেটত জয়লাভ কৰে। টি-২০ত সৰ্বাধিক দ্ৰুত শতক অৰ্জন কৰা ভাৰতীয় বেটছমেন হিচাপে পৰিগণিত হৈছে অভিষেক। মাত্ৰ ২৮টা বলত তেওঁ শতক সম্পূৰ্ণ কৰিলে। অভিষেকৰ লগতে উৰভিল পেটেলেও এই অভিলেখ গঢ়ি তুলিছে। লগতে ২৮টা বলত শতক অৰ্জন কৰে। উৰভিল আৰু অভিষেক যৌথভাৱে ১ নম্বৰত আছে। উৰভিলে গুজৰাটৰ হৈ খেলে। ত্ৰিপুৰাৰ বিৰুদ্ধে অভিলেখ ভংগকাৰী শতক অৰ্জন কৰে।