নিয়মীয়া বাৰ্তা ডিজিটেল, ১০ আগষ্টঃ পেৰিছ অলিম্পিকত ভাৰতক মল্লযুঁজত ব্ৰঞ্জৰ পদক লাভ কৰি দেশলৈ গৌৰৱ কঢ়িয়াই আনিছে অমন ছেহৰাৱটে। লগে লগে প্ৰধানমন্ত্ৰী নৰেন্দ্ৰ মোদীয়ে তেওঁক ফোন কৰি অভিনন্দন জনাইছে। মাত্ৰ ২১ বছৰ বয়সত ইমান ডাঙৰ মঞ্চত পদক লাভ কৰাটো সাধাৰণ কাম নহয় বুলিও মন্তব্য কৰে প্ৰধানমন্ত্ৰী মোদীয়ে। প্ৰধানমন্ত্ৰীয়ে লগতে কয় যে পিতৃ-মাতৃক হেৰুৱাই সংগ্ৰাম কৰি আগবাঢ়ি যোৱাৰ বাবে অমনৰ কঠোৰ পৰিশ্ৰমৰ শলাগ লৈছে। অমন ছেহৰাৱটক অভিনন্দন জনাই প্ৰধানমন্ত্ৰী মোদীয়ে কয় যে তেওঁ ছাত্ৰছাল ষ্টেডিয়ামক নিজৰ ঘৰ কৰি লৈ তাত কৰা কঠোৰ পৰিশ্ৰম তুলনাহীন। তেওঁ কয় যে পেৰিছ অলিম্পিকত ভাৰতৰ হৈ পদক লাভ কৰা আটাইতকৈ কম বয়সীয়া খেলুৱৈ হিচাপে অমন ভাৰতীয়ৰ বাবে প্ৰেৰণাৰ উৎস। অমনে মাত্ৰ ২১ বছৰ বয়সতে ব্ৰঞ্জৰ পদক লাভ কৰিছে। ইয়াৰ উত্তৰত অমানে ২০২৮ চনৰ অলিম্পিকত সোণৰ পদক লাভৰ বাবে যৎপৰোনাস্তি চেষ্টা কৰিব বুলিও কয়। প্ৰধানমন্ত্ৰীয়ে লগতে কয় যে পিতৃ-মাতৃ হেৰুৱাৰ পিছত জীৱনত আগবাঢ়ি যোৱাটো সহজ কাম নহয়। অমনে লগতে কয় যে সকলোৱে নিজৰ জীৱনত সংগ্ৰাম কৰি আছে আৰু লগতে প্ৰধানমন্ত্ৰী মোদীক অতি কঠোৰ পৰিশ্ৰমী ব্যক্তি বুলিও অভিহিত কৰে। কিন্তু মোদীয়ে কয় যে খেলুৱৈসকলৰ কঠোৰ পৰিশ্ৰমৰ তুলনাত তেওঁলোকৰ কঠোৰ পৰিশ্ৰম একো নহয় কাৰণ খেলুৱৈসকলে দিনে-নিশাই কঠোৰ পৰিশ্ৰম কৰে। প্ৰধানমন্ত্ৰীয়ে কয় যে সোণ, ৰূপ বা ব্ৰঞ্জৰ কোনো গুৰুত্ব নাই কাৰণ অমন ছেহৰাৱটে এই দেশক বহুখিনি দিছে আৰু এই কৃতিত্বৰ বাবে সমগ্ৰ দেশে তেওঁক প্ৰশংসা কৰিছে।