নিয়মীয়া বাৰ্তা ডিজিটেল, ২৮ জুলাইঃ আজি দুখন ব্লকবাষ্টাৰ মেচ অনুষ্ঠিত হব। কিয়নো আজি ভাৰত আৰু শ্ৰীলংকাৰ মাজত এখন নহয় দুখন মেচ অনুষ্ঠিত হব। এখন ফাইনেল মেচ দুয়ো দেশৰ মাজত অনুষ্ঠিত হ’ব, আনহাতে আনখন মেচ হ’ব দ্বিপাক্ষিক শৃংখলা। এইকেইদিন ভাৰত আৰু শ্ৰীলংকাৰ পুৰুষৰ দলৰ মাজত তিনিখন খেলৰ টি-২০ ছিৰিজ অনুষ্ঠিত হৈ আছে। প্ৰথমখন খেল যোৱা অনুষ্ঠিত হৈছিল আৰু দ্বিতীয়খন মেচ আজি অনুষ্ঠিত হ’ব। ইয়াৰ উপৰি আজি এছিয়া কাপ (মহিলা এছিয়া কাপ ২০২৪)ৰ ফাইনেলত ভাৰত আৰু শ্ৰীলংকাৰ মহিলা দলৰ মুখামুখি হ’ব। প্ৰথমতে মহিলা এছিয়া কাপ ২০২৪ৰ ফাইনেলত মুখামুখি হ’ব ভাৰত আৰু শ্ৰীলংকাৰ দল। দিনৰ ৩ বজাৰ পৰা (ভাৰতীয় সময়) আৰম্ভ হ’ব ডাম্বুলাৰ ৰংগিৰি ডাম্বুল্লা আন্তঃৰাষ্ট্ৰীয় ষ্টেডিয়ামত দুয়ো দেশৰে মাজত খিতাপৰ খেলখন অনুষ্ঠিত হ’ব। খেলখনৰ পিছতেই অনুষ্ঠিত হ’ব টি-২০ ছিৰিজৰ দ্বিতীয়খন মেচ। ভাৰত আৰু শ্ৰীলংকাৰ পুৰুষ দলৰ মাজত অনুষ্ঠিত হ’বলগীয়া তিনিখন খেলৰ টি-২০ শৃংখলাৰ দ্বিতীয়খন খেল সন্ধিয়া ৭ বজাত (ভাৰতীয় সময় অনুসৰি) অনুষ্ঠিত হ’ব। টি-২০ শৃংখলাৰ দ্বিতীয়খন খেল পাল্লিকেল আন্তঃৰাষ্ট্ৰীয় ষ্টেডিয়ামত অনুষ্ঠিত হ’ব।