নাগপুৰত ভাৰতীয় স্পিনাৰৰ সন্মুখত আত্মসমৰ্পন অষ্ট্ৰেলিয়াৰ; এক ইনিংছ আৰু ১৩২ ৰানত জয়লাভ ভাৰতৰ
নিয়মীয়া বাৰ্তা, ১১ ফেব্ৰুৱাৰী: নাগপুৰত অনুষ্ঠিত বৰ্ডাৰ-গাভাস্কাৰ ট্ৰফীৰ প্ৰথমখন টেষ্ট মেচত ভাৰতীয় দলে এটা ইনিংছ আৰু ১৩২ ৰানত জয়লাভ কৰি শৃংখলাত ১-০ অগ্ৰগতি লাভ কৰে। এই মেচখনত অষ্ট্ৰেলিয়াৰ দলটোৰ দ্বিতীয় ইনিংছ মাত্ৰ ৯১ ৰানতে আজি গোটেইকেইটা উইকেট হেৰুৱাই ভাৰতীয় বলাৰ ওচৰত আত্মসমৰ্পন কৰে। একে সময়তে ভাৰতীয় দলটোৱে ৪০০ ৰান সংগ্ৰহ কৰি প্ৰথম ইনিংছত ২২৩ ৰানৰ অগ্ৰগতি লাভ কৰিছিল।
দ্বিতীয় ইনিংছত ভাৰতৰ ৰবিচন্দ্ৰন অশ্বিনৰ স্পিন আচৰিত আছিল। অশ্বিনে ৫ উইকেট দখল কৰাৰ বিপৰীতে ১২ অভাৰৰ বলিংত ৩৭ ৰান দিয়ে।
আনহাতে ভাৰতীয় দলৰ হৈ দ্বিতীয় ইনিংছত ৰবিচন্দ্ৰন অশ্বিনে ৫ উইকেট দখল কৰাৰ বিপৰীতে ৰবীন্দ্ৰ জাদেজা আৰু মহম্মদ চামীয়ে ২-২ উইকেট দখল কৰাৰ বিপৰীতে অক্ষৰ পেটেলে ১ উইকেট দখল কৰে।