নিউজডেস্ক, ১৯ ডিচেম্বৰঃ ভাৰতীয় ক্রিকেট নিয়ন্ত্রণ ব’ডৰ ঐশ্বর্যশালী ক্রিকেট প্রতিযোগিতা ইণ্ডিয়ান প্রিমিয়াৰ লীগৰ ত্রয়োদশ সংস্কৰণৰ খেলুৱৈৰ নিলাম অনুষ্ঠানটো আজি কলকাতাত অনুষ্ঠিত হ’ব ৷
অহা বর্ষত হ’বলগীয়া প্রতিযোগিতাখনৰ এই নিলামত সমগ্র বিশ্বৰ ৩৩২গৰাকী ক্রিকেটাৰৰ ভাগ্য নির্ণয় হ’ব ৷
এই ৩৩২গৰাকী ক্রিকেটাৰৰ ভিতৰত আছে ১৮৬গৰাকী ভাৰতৰ, ১৪৬গৰাকী বিদেশৰ আৰু তিনিগৰাকী সহযোগী ৰাষ্ট্রৰ ৷
উল্লেখ্য যে খেলুৱৈৰ নিলাম অনুষ্ঠানটোত সর্বাধিক মূল্য উঠিব দুই কোটি টকা ৷ নিলামটোত সাতগৰাকী খেলুৱৈয়ে দুই কোটি টকা লাভ কৰিব আৰু এই আটাইকেইগৰাকী খেলুৱৈ হ’ল বিদেশৰ ৷
এইবাৰৰ নিলামত ফ্রেঞ্চাইজীসকলৰ দৃষ্টি নিবদ্ধ থাকিব পেচ বলাৰ আৰু অলৰাউণ্ডাৰৰ ওপৰত ৷ ৱেষ্ট ইণ্ডিজৰ দুই বেটছমেন ছিমৰন হেটমায়েৰ আৰু ছাই হ’পৰ ওপৰতো ফ্রেঞ্চাইজীসকলৰ দৃষ্টি থাকিব ৷