নিউজ ডেস্ক, ৫ আগষ্ট : শ্রীলংকাৰ বিৰুদ্ধে খেলা মেচখনত কালি বিৰাট কোহলিয়ে এটা কেচ ধৰাৰ পিছত বিহুনৃত্যৰে উদযাপন কৰে৷ ২৭সংখ্যক অভাৰত ছাডিৰা ছামাৰ বিক্রমাই অক্ষৰ পেটেলৰ বলত শ্বট খেলিবলৈ গৈ কোহলিৰ হাতত কেচ দিয়ে৷ কেচটো ধৰাৰ পিছত ৰিয়ান পৰাগৰ দ্বাৰা প্রভাৱিত হৈ তেওঁ বিহুনাচৰ এটি প’জ দিয়ে৷ উল্লেখ্য যে আইপিএলত এইদৰে উইকেট লাভৰ পিছত বিহুনৃত্যৰে উচ্ছাস প্রকাশ কৰিছিল ৰিয়ানে৷ কোহলিৰ বিহুনৃত্যৰ ভিডিঅ’ সামাজিক মাধ্যমত ভাইৰেল হৈ পৰিছে৷ অনুৰাগীসকলে কোহলিৰ বিহুনৃত্য উপভোগ কৰি শ্বেয়াৰ কৰিছে এই ভিডিঅ’৷