নিয়মীয়া বাৰ্তা, ২৫ফেব্ৰুৱাৰী: সম্পত্তিৰ তালিকা অধিক দীঘলীয়া হ’ল বিৰাট কোহলিৰ৷ এইবাৰ আলিবাগত ২০০০ স্কোৱেৰ ফুটৰ বিলাসবহুল ভিলা ক্রয় কৰিলে ভাৰতীয় ক্রিকেটাৰগৰাকীয়ে৷ এই ভিলাত ৪০০ স্কোৱেৰ ফুটৰ এটি বৃহৎ ছুইমিং পুলো আছে৷ আলিবাগৰ আৱাস লিভিঙত প্রায় ২৫০ একৰ অঞ্চলজুৰি গঢ়ি উঠিছে বিভিন্ন সুযোগ–সুবিধাযুক্ত বহু বিলাসবহুল ভিলা৷ জানিব পৰা মতে, কোহলিয়ে এই প্রাসাদোপম অট্টালিকাটো সজাবলৈ ব্যয় কৰিব বিশাল পৰিমাণৰ টকা৷ এই অট্টালিকাৰ ইণ্টেৰি’ৰ সজাই তুলিছে ঋত্বিক ৰোছনৰ প্রাক্তন পত্নী সুজান খানে৷ ৩৬ লাখ টকাৰ ষ্টাম্প ডিউটিত হোৱা চুক্তিৰ কাগজ–পত্র ইতিমধ্যে পোহৰলৈ আহিছে৷ জানিব পৰা মতে, ৬ কোটি টকাৰ বিনিময়ত ভিলাটো ক্রয় কৰিছে কোহলিয়ে৷