কাইলৈ বৰষুণ দিলেই বিপদঘণ্টা মুম্বাই ইণ্ডিয়ানছৰ, নাই ৰিজাৰ্ভ ডে’
গুজৰাট টাইটানছ তৃতীয় স্থানত থকাৰ বাবে কোৱালিফায়াৰ-২ত প্ৰৱেশ কৰিব
কাইলৈ বৰষুণ দিলেই বিপদঘণ্টা মুম্বাই ইণ্ডিয়ানছৰ, নাই ৰিজাৰ্ভ ডে’
নিউজ ডেস্ক, ২৯ মে’ : আই পি এল ২০২৫ৰ এলিমিনেটৰ মেচত শুভমন গিলৰ অধিনায়কত্বত গুজৰাট টাইটানছ আৰু হাৰ্দিক পাণ্ডিয়াৰ অধিনায়কত্বত মুম্বাই ইণ্ডিয়ানছৰ মাজত অনুষ্ঠিত হ’ব। এই মেচত জয়ী হোৱা দলটোৱে কোৱালিফায়াৰ-২ খেলিব। আনহাতে পৰাজিত দলটো প্ৰতিযোগিতাখনৰ পৰা বাহিৰ হব। মোহালিৰ মুল্লানপুৰ ষ্টেডিয়ামত অনুষ্ঠিত হ’বলগীয়া এলিমিনেটৰ মেচখনত বৰষুণৰ সম্ভাৱনা আছে।
গুজৰাট টাইটানছ আৰম্ভণিৰে পৰা ২ নম্বৰৰ বাবে শক্তিশালী প্ৰতিদ্বন্দ্বী আছিল যদিও যোৱা ২খন মেচত পৰাজয়ে সেয়া হব নিদিলে। প্ৰাৰম্ভিক পৰাজয়ৰ পিছত মুম্বাই ইণ্ডিয়ানছো জয়ৰ ৰথত উঠিছিল যদিও লীগ পৰ্যায়ৰ শেষৰ ৩খন মেচৰ ভিতৰত ২খন খেলত পৰাস্ত হোৱাত দলটোৱে চতুৰ্থ স্থানতে সন্তুষ্ট হ’বলগীয়া হয়। এতিয়া এই দুয়োটা দলে খিতাপ দখল কৰিবলৈ একেৰাহে ৩খন মেচত জয়ী হ’ব লাগিব।
এলিমিনেটৰ মেচত জয়ী হোৱা দলটো কোৱালিফায়াৰ-২লৈ যাব আৰু পৰাজিত দলটো আউট হ’ব বুলি স্পষ্ট, কিন্তু বৰষুণৰ বাবে মেচ বাতিল হ’লে কি হ’ব? নিয়মবোৰ কওঁ।
আই পি এল প্লে অফৰ ফৰ্মেট অনুসৰি শীৰ্ষ ২টা দলে কোৱালিফায়াৰ-১ খেলে, বিজয়ী দল পোনে পোনে ফাইনেললৈ যায় আৰু পৰাজিত দলটোৱে ফাইনেললৈ যাবলৈ কোৱালিফায়াৰ-২ত জয়ী হব লাগে। এলিমিনেটৰ মেচ তৃতীয় আৰু চতুৰ্থ ৰেংকিঙৰ দলৰ মাজত অনুষ্ঠিত হয়। পইণ্ট তালিকাত গুজৰাট টাইটানছ তৃতীয় আৰু মুম্বাই ইণ্ডিয়ানছ চতুৰ্থ স্থানত আছে
এলিমিনেটৰ মেচত বতৰৰ বিধিপথালি
কাইলৈ মোহালিৰ মুল্লানপুৰ ক্ৰিকেট ষ্টেডিয়ামত গুজৰাট আৰু মুম্বাইৰ মাজত অনুষ্ঠিত হ’ব এলিমিনেটৰ মেচ। সন্ধিয়া ৭:৩০ বজাৰ পৰা খেল অনুষ্ঠিত হ’ব। আজিৰ দিনটোত মোহালিত বৰষুণৰ সম্ভাৱনা। দুপৰীয়া ধাৰাসাৰ বৰষুণ হ’ব পাৰে, খেলৰ সময়তো বৰষুণৰ আগজাননী দিয়া হৈছে।
এলিমিনেটৰ বাতিল হলে কোনটো দল আউট হ’ব?
গুজৰাট টাইটানছ বনাম মুম্বাই ইণ্ডিয়ানছৰ এলিমিনেটৰ মেচৰ বাবে কোনো ৰিজাৰ্ভ ডে নাই, অৰ্থাৎ মেচখন এদিনতে সম্পূৰ্ণ হ’ব লাগিব। যদি এনেকুৱা নহয় তেন্তে নিয়মত কোৱা হৈছে যে পইণ্ট টেবুলত ওপৰৰ দলটোৱে সুবিধা পাব। অৰ্থাৎ এই পৰিস্থিতিত মুম্বাই ইণ্ডিয়ানছ আউট হ’ব। কাৰণ তেওঁলোকে চতুৰ্থ স্থান দখল কৰাৰ বিপৰীতে গুজৰাট টাইটানছ তৃতীয় স্থানত থকাৰ বাবে কোৱালিফায়াৰ-২ত প্ৰৱেশ কৰিব।
ৰিজাৰ্ভ ডে’ কেৱল কোৱালিফায়াৰ-২ আৰু আই পি এল ২০২৫ প্লে অফৰ চূড়ান্ত মেচখনৰ বাবেহে ৰখা হৈছে। এই নিয়মৰ অধীনত যদি সেইদিনা বৰষুণৰ বাবে মেচ অনুষ্ঠিত নহয়, তেন্তে মেচখন য’ৰ পৰা বন্ধ হৈছিল তাৰ পৰা পিছদিনা খেলখন অনুষ্ঠিত হ’ব। অহা ১ জুনত দ্বিতীয়খন কোৱালিফায়াৰ আৰু ৩ জুনত আহমেদাবাদৰ নৰেন্দ্ৰ মোদী ক্ৰিকেট ষ্টেডিয়ামত ফাইনেল খেল অনুষ্ঠিত হ’ব।