নিউজ ডেস্ক, ২৪ মাৰ্চঃ আইপিএলৰ অন্যতম শক্তিশালী দল মুম্বাই ইণ্ডিয়ানছ আৰু চেন্নাই ছুপাৰ কিংছৰ মাজত অনুষ্ঠিত মেচখন অনুৰাগীয়ে ভবাৰ দৰে উত্তেজনাপূর্ণ নহ’ল৷ ল’ স্ক’ৰিং মেচখনত কোনো এটা দলে অনুৰাগীক আপ্লুত কৰিব নোৱাৰিলে৷ মেচখনত চেন্নাই বিজয়ী হয় ৪ উইকেটত৷ প্রথমে বেটিং কৰি মুম্বাই ইণ্ডিয়ানছে নির্ধাৰিত অভাৰত ৯টা উইকেট হেৰুৱাই ১৫৫ ৰানহে সংগ্রহ কৰিবলৈ সক্ষম হয়৷
কুকুৰৰ ভ্রমণৰ অনুমতি নাপাই বাথৰুমতে এৰি গ’ল যাত্রীয়ে
ভাৰতীয় অধিনায়ক তথা মুম্বাইৰ অ’পেনাৰ ৰোহিত শর্মাই শূন্য ৰানতে বিদায় লোৱাৰ পিছত আন বেটাৰসকলো ৰান সংগ্রহত ব্যর্থ হয়৷ দলৰ হৈ তিলক বার্মাই সর্বাধিক ৩১ ৰান, দীপক চহৰে ২৮ আৰু সূর্যকুমাৰ যাদৱে ২৯ ৰান কৰে৷ প্রত্যুত্তৰত চেন্নায়ে ১৯.১ অভাৰত ছটা উইকেট হেৰুৱাই ৪ উইকেটত বিজয়ী হয়৷ দলৰ অ’পেনাৰ ৰাছিন ৰবীন্দ্রই ৬৫ ৰানৰ এটি অপৰাজিত ইনিংছেৰে দলৰ বিজয়ত মুখ্য ভূমিকা লয়৷ আনহাতে, অধিনায়ক ৰুতুৰাজ গাইকোৱাডে ২৬টা বলত ৫৩ ৰান সংগ্রহ কৰে৷ অন্তিম মুহূর্তত ধোনীয়ে বেটিং কৰিবলৈ আহে যদিও দুটা বল খেলি ১ ৰানো নকৰাকৈ অপৰাজিত হৈ থাকে৷ ৰাছিনে ৬ কোবাই দলক বিজয় লক্ষ্যত উপনীত কৰায়৷ ৰবীন্দ্র জাদেজাই ১৭ ৰান কৰে৷ ৰাহুল ত্রিপাঠী, শিৱম ডুবে, চেম কাৰান ব্যর্থ হয়৷