নিয়মীয়া বার্তা, ৩ জানুৱাৰীঃ অসম ক্রিকেট সংস্থাৰ উদ্যোগত আজিৰ পৰা ৰাজ্যৰ ছয় স্থানত ক্রমে গুৱাহাটী, যোৰহাট, হাইলাকান্দি, মঙলদৈ আৰু বৰপেটাত মণ্ডল ভিত্তিত অনুষ্ঠিত হ’ব আৰ জি বৰুৱা স্মৃতি ১৬ বছৰ অনূর্ধ্ব আন্তঃজিলা ক্রিকেট প্রতিযোগিতা৷
উদ্বোধনী মেচত গুৱাহাটীত মুখ্য মণ্ডলত গুৱাহাটীয়ে গোৱালপাৰা, হাইলাকান্দিত দক্ষিণ অসম মণ্ডলত কৰিমগঞ্জই ডিমা হাছাও, হোজাইত মধ্য অসম মণ্ডলত কলিয়াবৰে হোজাই, মঙলদৈত উত্তৰ অসম মণ্ডলত বিশ্বনাথে মঙলদৈ, যোৰহাটত উজনি অসম মণ্ডলত যোৰহাটে নাজিৰা আৰু বৰপেটাত নামনি অসম মণ্ডলত বৰপেটাই ধুবুৰীৰে মুখামুখি হ’ব৷
প্রতিযোগিতাখনৰ বাবে ঘোষিত বৰপেটা দলটো হ’ল– ৰঞ্জন বিকাশ দাস (অধিনায়ক), ঋষিকেশ দাস, হেমাংগ দাস, দীপাংকৰ পাউল, কবিৰ হাছান দেশমুখ, আশ্রাফুল আহমেদ, বিষ্ণু দাস, প্রদ্যুৎ গায়ন, হিতেশ লুইটেল, সিদ্ধান্ত মাহাতো, ছাহিদ শইকীয়া, আলি হুছেইন, ৰোহণ সাহা, কৃষ্ণমণি দাস, বেদান্ত ডেকা, উজ্জ্বল দাস, ছাদ্দাম হুছেইন, ৰবিউল আলী, নিশান্ত দাস আৰু অর্ণৱ পাঠক৷