নিউজ ডেস্ক, ৮ এপ্ৰিলঃ কালি ৰয়েল চেলেঞ্জাৰ্ছ বেংগালুৰুৱে মুম্বাই ইণ্ডিয়ানছক ১২ ৰানত পৰাস্ত কৰে। ৬৪ ৰানৰ বিস্ফোৰক ইনিংছ খেলা অধিনায়ক ৰজত পাটিদাৰক মেচখনৰ শ্ৰেষ্ঠ খেলুৱৈ হিচাপে নিৰ্বাচিত কৰা হয়। তেওঁৰ লগতে বিৰাট কোহলিয়েও ৬৭ ৰানৰ ইনিংছ খেলিছিল। এই জয়ৰ পাছতো অধিনায়ক পাটিদাৰ ডাঙৰ ক্ষতিৰ সন্মুখীন হৈছে। বিচিচিআইয়ে ১২ লাখ টকাৰ জৰিমনা বিহিছে।
মুম্বাই ইণ্ডিয়ানছৰ বিৰুদ্ধে খেলখনৰ সময়ত তেওঁৰ দলটোৱে লাহে লাহে অভাৰ ৰেট বজাই ৰখাৰ বাবে আৰচিবিৰ অধিনায়ক ৰজত পাটিদাৰক জৰিমনা বিহা হৈছে। আই পি এলৰ আচৰণ বিধিৰ ২.২ অনুচ্ছেদৰ অধীনত তেওঁৰ দলৰ এই ছিজনৰ প্ৰথমটো অপৰাধ আছিল, যিটো নূন্যতম অভাৰ ৰেট অপৰাধৰ সৈতে জড়িত, পাটিদাৰক ১২ লাখ জৰিমনা বিহা হৈছিল।