নিয়মীয়া বাৰ্তা ডিজিটেল, ৩০ জুনঃ ৰোহিত শৰ্মাৰ অধিনায়কত্বত টীম ইণ্ডিয়া বিশ্ব চেম্পিয়ন হৈছে। ২০২৪ চনৰ টি-২০ বিশ্বকাপৰ ফাইনেলত দক্ষিণ আফ্ৰিকাক পৰাস্ত কৰি ভাৰতে খিতাপ দখল কৰে। ভাৰতীয় খেলুৱৈসকলক এই জয়ক লৈ যথেষ্ট আৱেগিক যেন লাগিছিল। অধিনায়ক ৰোহিত শৰ্মা, বিৰাট কোহলি, হাৰ্দিক পাণ্ডিয়াকে ধৰি বহু খেলুৱৈয়ে কান্দিছিল। ভাৰত চেম্পিয়ন হোৱাৰ পিছত ৰোহিতে কি কৰিলে সেই কথা জানিলে তেওঁৰ প্ৰতি আপোনাৰ সন্মানো বাঢ়িব। জয়ৰ পাছত খেলপথাৰৰ মাটি খালে ৰোহিতে। আচলতে আইচিচিয়ে ইনষ্টাগ্ৰামত এটা ভিডিঅ’ শ্বেয়াৰ কৰিছে। ইয়াত ৰোহিতে খেলপথাৰৰ মাটিৰ সোৱাদ লোৱা দেখা যায়। এই মুহূৰ্তটো স্মৰণীয় কৰি তুলিবলৈ ৰোহিতে এই কাম কৰিছিল। ৰোহিতৰ ভিডিঅ’টোত বহু ধৰণৰ মন্তব্য আহিছিল। আমোদজনকভাৱে তেওঁ বাৰ্বাডোজৰ চৌহদতো ত্ৰিৰংগ ৰোপণ কৰিছিল ৰোহিতে। লগতে ৰোহিত আৰু বিৰাটে এতিয়া টি-২০ ইণ্টাৰনেশ্যনেলৰ পৰা অৱসৰ গ্ৰহণ কৰিছে। সেয়ে এই দুগৰাকী খেলুৱৈৰ এই মুহূৰ্তটো অধিক স্মৰণীয় হৈ পৰিল। ৰোহিতৰ অধিনায়কত্বত এই খিতাপ দখল কৰে টীম ইণ্ডিয়াই। টীম ইণ্ডিয়াৰ জয়ৰ পিছত হাৰ্দিক পাণ্ডিয়াক বেয়াকৈ কান্দি থকা দেখা গ’ল। ৰোহিতে মেচখনৰ অন্তিমখন মেচ পাণ্ডিয়াক সাবটি ধৰিছিল। তেওঁ নিজৰ দায়িত্ব অতি ভালদৰে পালন কৰি ভাৰতক জয়ৰ দিশে আগুৱাই লৈ যায়। পাণ্ডিয়াৰ লগতে সূৰ্যকুমাৰ যাদৱেও টীম ইণ্ডিয়াৰ হৈ গুৰুত্বপূৰ্ণ ভূমিকা পালন কৰিছিল। অতি কঠিন পৰিস্থিতিত তেওঁ এটা উজ্জ্বল কেচ ধৰিছিল। এই কেচ ভাৰতৰ জয়ত গুৰুত্বপূৰ্ণ বুলি প্ৰমাণিত হ’ল। ফাইনেলত দক্ষিণ আফ্ৰিকাক ৭ ৰানত পৰাস্ত কৰি খিতাপ দখল কৰে টীম ইণ্ডিয়াই।