বিশেষ বাৰ্তা, ১০ ফ্ৰেব্ৰুৱাৰীঃ অখিল ভাৰতীয় বিদ্যাৰ্থী পৰিষদ, কামৰূপ জিলা সমিতিৰ উদ্যোগত শুৱালকুছি বালিচৰত অনুষ্ঠিত মহাবীৰ লাচিত ক্লাব আন্তঃমহাবিদ্যালয় ফুটবল প্ৰতিযোগিতাত চাংসাৰিৰ ৰূপকোৱৰ একাডেমীয়ে চুড়ান্ত বিজয়ীৰ সন্মান লাভ কৰে৷ প্ৰতিযোগিতাৰ ফাইনেল খেলত ৰূপকোঁৱৰ একাডেমিৰ ৰোহিত হেমব্ৰমে দিয়া একমাত্ৰ গলৰ ব্যৱধান শুৱালকুছি মহাবিদ্যালয়ক পৰাস্ত কৰে৷ প্ৰতিযোগিতাখন আনুষ্ঠানিকভাৱে উদ্বোধন কৰে ক্ৰীড়া সংগঠক অনিল চন্দ্ৰ বৈশ্যই৷ বন্তি প্ৰজ্বলন কৰে সত্ৰাধিকাৰ ৰাজীৱ লোচন সন্তই৷ উপস্থিত থাকে অখিল ভাৰতীয় বিদ্যাৰ্থী পৰিষদ ৰাষ্ট্ৰীয় সহ: সংযোজক, ৰাজ্যিক বিশ্ববিদ্যালয় ভৱতীৰ্থ গোস্বামী আৰু কামৰূপ জিলাৰ সাংগঠনিক সম্পাদক শিৱানন কটকী৷ প্ৰতিযোগিতাত অংশগ্ৰহণ কৰে শুৱালকুছি বুদৰাম মাধৱ সত্ৰাধিকাৰ মহাবিদ্যালয়, পূৱ কামৰূপ কলেজ, দক্ষিণ কামৰূপ মহাবিদ্যালয়, দমদমা মহাবিদ্যালয়, ৰূপকোঁৱৰ একাডেমী আৰু ৰামানুজন একাডেমীয়ে৷ ফাইনেল খেলৰ অন্তত বটাঁ প্ৰদান কৰে অনুসুচিত জাতি মৰ্চা বিজেপিৰ প্ৰদেশ সমিতিৰ উপ সভাপতি প্ৰকাশ দাস, বিশিষ্ট নাগৰিক ড°কেশৱ কলিতা, উদীয়মান সমাজকৰ্মী ৰাজিৱ দাস, যুৱনেতা দিবাকৰ কলিতা, প্ৰাক্তন ফুটবল খেলুৱৈ প্ৰশান্ত ভৰালী, এবিভিবিৰ শিৱ শৰ্মা প্ৰমুখ্যে কাৰ্যকৰ্তা আৰু কৰ্মীসকল৷ প্ৰতিযোগিতাৰ শ্ৰেষ্ঠ খেলুৱৈৰ সন্মান লাভ কৰে বিজয়ী দলৰ আয়ুস ছেত্ৰী আৰু শ্ৰেষ্ঠ গোলকীপাৰৰ সন্মান লাভ কৰে বিজেতা দলৰ ভৃগুজ্যোতি দাসে ৷ দুয়োটা দলকে ট্ৰফী, মেদেল আৰু নগদ ধন প্ৰদান কৰা হয়৷
প্ৰেৰক দিলীপ মেধি