নিয়মীয়া বাৰ্তা, ২৬ মাৰ্চঃ জয়ৰ ধাৰা অব্যাহত ৰাখি ভাৰতৰ আগশাৰীৰ মহিলা শ্বাটলাৰ ছাইনা নেহৱালে অৰলিনছ মাষ্টার্ছ বেডমিণ্টন প্রতিযোগিতাৰ মহিলাৰ ছিংগলছৰ কোৱার্টাৰ ফাইনেলত প্রৱেশ কৰিছে৷ দ্বিতীয় ৰাউণ্ডৰ মেচ এখনত চতুর্থ বাছনিপ্রাপ্ত ছাইনাই ফ্রান্সৰ মেৰী বাট’মেনেক কিছু সংগ্রামৰ মূৰত ১৮–২১, ২১–১৫, ২১–১০ গেমত পৰাস্ত কৰে৷
ইপিনে, ভাৰতৰ ইৰা শর্মায়ো কোৱার্টাৰ ফাইনেলত স্থান নিশ্চিত কৰিছে৷ দ্বিতীয় ৰাউণ্ডৰ মেচ এখনত ২১ বছৰীয়া ভাৰতীয় খেলুৱৈগৰাকীয়ে বুলগেৰিয়াৰ মাৰিয়া মিটছ’ভাক ২১–১৮, ২১–১৩ গেমত পৰাস্ত কৰে৷