নিয়মীয়া বাৰ্তা ২৯ জুনঃ অলিম্পিকলৈ যোগ্যতা অর্জন কৰা ভাৰতৰ তাৰকা শ্বুটাৰ ৰাহি স্বর্ণবাটে আই এছ এছ এফ বিশ্বকাপ শ্বুটিঙত সোণৰ পদক জয় কৰিছে৷ মহিলাৰ ২৫ মিটাৰ পিষ্টল ইভেণ্টত ৩০ বছৰীয়া প্রতিভাৱান শ্বুটাৰগৰাকীয়ে এই চমকপ্রদ সাফল্য লাভ কৰিবলৈ সক্ষম হৈছে৷ প্রতিযোগিতাখনত ভাৰতৰ এয়া প্রথমটো স্বর্ণপদক৷ ফাইনেলত ৩৯ স্ক’ৰ কৰি স্বর্ণবাটে শ্রেষ্ঠত্ব অর্জন কৰে৷
ইফালে, ভাৰতৰ উদীয়মান তাৰকা মনু ভাকেৰে একেটা ইভেণ্টত সপ্তম স্থানহে অধিকাৰ কৰিবলৈ সক্ষম হয়৷ অলিম্পিকৰ পূর্বে শ্বুটাৰসকলৰ বাবে এয়া হৈছে অন্তিমখন প্রতিযোগিতামূলক ইভেণ্ট৷ ভাৰতে এতিয়ালৈকে প্রতিযোগিতাখনত এটা ৰূপ আৰু দুটা ব্রঞ্জ পদক অর্জন কৰিছে৷